ياصاحبي الدنيـا حكايـــآت وعلــوم ..

ياصاحبي الدنيـا حكايـــآت وعلــوم..
قصص عجيـــبه تذهل اللي قراهـــا..
الدنيــا لوتضحك معك دايم الدوم..
خلك فطِيــن ولايهمك رضاهـــا..
كم واحد تبنى لـه أمـــآل وحلـــوم..
يفني وغـيـره يهتني في بناهـا..
يامآ أفرحت قوم وأحزنت قـوم..
وكم أعشقت عين وخانت غلآهــا..
ياصاحـبي شفت أمس شف حالنا اليـوم..
دنيا تقلب يكفي الله بلآهــا..
اليوم لآمِنّـه بغت عيني النـوم..
تنكّـدت روحي وعآفت كرآهــا..
ماكل من علآ بالأصوآت مفهــوم..
وماكل روح تلـتـــقي في مناهــآ..
وماكل من يشكي معذب ومحــروم..
وماكل من يضحك همومه نساهــآ..
بحــر الحيــــاه إن صرت ماتعرف العـوم..
يرميــــك في غبّه بعيــده مداهــآ..
من راح يستسلم من أحــزآن وهمـــوم..
يموت حـي وحاجـتـه ماقضاهــــآ..
واجه هبوب الوقت بإيـمـآن وعزوم..
لابد ما ربـــّك يهــدي هوآهــا..
وأصبـر إذا شمسك حجب نورها غيـــوم..
الغـــيــــم بتـتـفــرق ويشرق سنآهـــا...




المصدر : http://forum.5aa5.com/t42966.html#ixzz1HJKzZ2xa

لله يعطيك العافي ويكبها في ميزان حسناتك


مع تحيات
صانع الابتسامة