وصية مرشد البذال رحمه الله

من طرف ناصرالحارثي 9/3/2011, 13:41

الشاعر : مـــــــــــــــــــــرشد البذال الرشيدي

كلنا نعرف مرشد البذال ونعرف قصائده الجليله السابقة في الساحة الشعرية .. رحمه الله

"الوصيـــــــــــــــه"
قصيدة بها الكثير من العبر ، من اقوى القصائد

وتعالو نستخلص منها الدروس والعبر والحكم وفيها ذكر ابنه " عبدالله " الي كان كفيف البصر .

واليكم القصيدة ..

يالله .. يارب الضعوف المساكين
اللي لك المخلوق يحسن صلاته

تستر على غوش(ن) صغار(ن) مكفين
أكبرهم العارف .. دليله عصاته

لا ياعيالي كل أبوكم حبيبين
عندي وعند الناس كلن وذاته

عندي غلاكم يدفن الزين والشين
وعند العرب كلن تشاف اخملاته

ياعبيد أنا خابرك ورع لها الحين
داوي بغبات الجهل واظلماته

لاشك علمي لك محبه وتفطين
تسمع الوالد وثبت وصاته

وصات مخلوق(ن) يعرف القوانين
مافات عمره بالحهل والهياته

ياعبيد أنا أوصيك مني بثنتين
ثنتين .. هن سوالبشر واحسناته

أوصيك لاتبحث سود المغيبين
ولاتجهر الي غارق بغفلاته

ترى النميمه .. تمحق الرزق والدين
والمنزل العالي .. تهدم اطبقاته

لاتحسبن أهل الظليمه بخيتين
كل (ن) يوافق ماعمل في وفاته

وأنذرك .. عن حق الضعيف المسيكين
اللي على حقه يهل اعبراته

ترى الضعيف اليا غدا الليل ليلين
يدعي وعند الله توافق دعاته

الظلم فان والظلم يفني السلاطين
ياويل راعي الظلم من مقبلاته

وأنذرك عن ربعت رخو .. من هياسين
اللي سوالفهم .. بوده وهاته

وياعبيد .. الاقشر لاوصف لك نهارين
نهار ثالث .. جاك يرفع عصاته

والله عندي ربعت الناس الأقصين
ولاصديق(ن) .. يبلشك في حياته

ترى الرجال بهم .. فهود وحياوين
جاك الكلام اللي صحيح(ن) ثباته

ان كان ماتدري ترى الناس دارين
الرجل .. مدحه بالمجالس طراته

رجل(ن) تعلق به.. رجال مسمين
عز الرفيق ولباته ولحماته

ورجل(ن) تشوفه جسم وعيون ويدين
ولولا الشعر ماتفرقه من خواته

والحلم عن الغيض ينجي الشياطين
يكيفيك شر ابليس هو ودحراته